Arbëri

AKI-ja vë llupën mbi 37 shefat e misioneve diplomatike

AKI-ja vë llupën mbi 37 shefat e misioneve diplomatike

Llupa e Agjencisë së Kosovës për Inteligjencë (AKI) është vendosur mbi të gjithë shefat e misioneve diplomatike që shteti i ka nëpër botë. Atyre do t’iu bëhet verifikimi i sigurisë.

Një burim i gazetës ka treguar se në javën e parë të gushtit të 37 drejtuesve të misioneve iu janë përcjellë pyetësorët e sigurisë. Mbi bazën e përgjigjeve dhe verifikimit pasues, AKI-ja do të konstatojë nëse ndonjë nga shefat e misioneve përbën rrezik të papranueshëm për sigurinë, shkruan sot “Koha Ditore”. Të tillët nuk do të pajisen me certifikatë të sigurisë, pa të cilën nuk mund të sigurohet qasja në informacione të klasifikuara, e për pasojë as të ushtrohet detyra e shefit të misionit.