Haradinaj nuk tërhiqet nga kritika për KSHC-në: Nuk guxojmë të sillemi me indiferencë

Haradinaj nuk tërhiqet nga kritika për KSHC-në: Nuk guxojmë të sillemi me indiferencë

18 July 2019 16:28

Kryeministri i Kosovës, Ramush Haradinaj sërish ka kritikuar vendimin e Këshillit Shtetëror të Cilësisë, për tërheqjen e akreditimit për tri universitetet publike, atë të Pejës, Prizrenit dhe Mitrovicës, duke thënë se është sjellë me indiferencë.

Haradinaj i bëri këto komente gjatë vizitës në komunën e Fushë Kosovës.

Lexo edhe: Komisioni për Arsim fton kryeministrin për raportim pasi kundërshtoi vendimin e KSHC-së

“Jam kapak në procese dhe i shoh disa procese, për shembull ju jeni të ri këtu, sikur të ishim sot në Mitrovicë, ju e dini Mitrovica Trepçën se ka më, ekonomi nuk ka, plot familje, fëmijët i kanë në shtëpi, në vend që me e ndal programet për ata fëmijë është dashur me kërkua një takim alarmues me të gjithë që me e ndryshua ose cilësinë ose me ndryshua ato kritere. Por me u sill me aq indiferencë në vend thua se po flas, s’po e di për çka dhe me i ndal programet me i lënë të gjithë ata fëmijë. Dikush po thotë fakultetet tona janë të këqija, atëherë a t’i ndalim krejt pra? Ne nuk guxojmë të sillemi ashtu ndaj fëmijëve”, tha ai.

Këshillit Shtetëror të Cilësisë me 15 korrik ka votuar rekomandimet e raporteve të ekspertëve ndërkombëtarë të ENQA-s, sipas të cilave Universiteti i Pejës, Mitrovicës dhe Prizrenit, si dhe Kolegji Fama, Kolegji Iliria, Kolegji Tempulli dhe Kosovo Art Academy, nuk do të mund të regjistrojnë studentë të ri për këtë vit akademik.

Komentet

Shto koment

Të ngjashme