Arbëri

Gjuriq: Prishtina vazhdon të bëjë pengesa në furnizim me mallra për serbët në veri

Foto: Tanjug
 

Situata me furnizimin e serbëve në veri të Kosovës me produktet ushqimore bazë është ende shumë e vështirë, pasi Prishtina vazhdon të parandalojë dorëzimin e mallrave serbe në të gjitha mënyrat, tha sot i ashtuquajturi drejtori i zyrës për Kosovë në qeverinë serbe, Marko Gjuriq.

“Më së shumti do të doja të them se furnizimi i qytetarëve tanë në veri të Kosovës është normalizuar, por druaj se për shkak të këmbënguljes kokëfortë të Prishtinës për taksat e mallrave nga Serbia, situata nuk do të jetë normale edhe për një kohë. Prishtina vazhdon ta vështirësojë atë, por ne jemi duke ia arritur disi”, tha Gjuriqi, transmeton ksp.