17 të vdekur e 781 raste të reja në 24 orët e fundit në Kosovë

E mërkura e 24 marsit shënon ditën më të rëndë me COVID-19 në Kosovë për vitin 2021. Janë regjistruar 17 vdekje dhe 781 raste të reja.

Rastet e vdekjes janë nga komunat: Fushë-Kosovë 2 raste (52, 41 vjeç), Gjilan 2 raste (81, 79 vjeç), Prizren 2 raste (70, 83 vjeç), Suharekë 2 raste (77, 78 vjeç), Drenas 1 rast (77 vjeç), Gjakovë 1 rast (86 vjeç), Istog 1 rast (74 vjeç), Lipjan 1 rast (60 vjeç), Mitrovicë 1 rast (81 vjeç), Prishtinë 1 rast (21 vjeç), Viti 1 rast (69 vjeç), Vushtrri 1 rast (65 vjeç), Ferizaj 1 rast (78 vjeç).

Siç ka njoftuar Instituti Kombëtar i Shëndetësisë Publike, të mërkurën janë regjistruar edhe 781 raste të reja nga testimi i 3634 mostrave. Rastet pozitive janë nga komunat: Prishtinë 243 raste, Ferizaj 76 raste, Gjilan 68 raste, Gjakovë 60 raste, Mitrovicë 44 raste, Pejë 40 raste, Fushë-Kosovë 38 raste, Podujevë 37 raste, Vushtrri 26 raste, Prizren 25 raste, Obiliq 17 raste, Kamenicë 15 raste, Klinë 13 raste, Deçan 12 raste, Suharekë 12 raste, Rahovec 9 raste, Drenas 7 raste, Istog 7 raste, Skenderaj 6 raste, Lipjan 4 raste, Shtime 4 raste, Viti 4 raste, Graçanicë 3 raste, Kaçanik 3 raste, Hani i Elezit 2 raste, Junik 2 raste, Malishevë 2 raste dhe me nga një rast komunat Kllokot dhe Novobërdë.

Me 17 vdekjet e regjistruara të mërkurën, numri i përgjithshëm i të vdekurve si pasojë e COVID-19 në Kosovë ka shkuar në 1803. Janë regjistruar 84 mijë e 498 raste pozitive, ndërsa janë 12 mijë e 808 raste aktive.