Deputeti i Lëvizjes Vetëvendosje, Glauk Konjufca, ka reaguar pas lajmeve se presidenti i vendit, Hashim Thaçi, ka angazhuar një person që ka qenë pjesë e një shërbimi informativ të huaj. Bëhet fjalë për Branisllav Nikoliqin, për të cilin është thënë të ketë qenë pjesë e shërbimit informativ të Serbisë BIA.
“Janë krijuar kushtet që të mblidhet me urgjencë Këshilli i Sigurisë i Kosovës. Sepse në zyrën e Presidentit të shtetit është punësuar Branisllav Nikoliq. Sipas mediave, ky njeri është pjesëtar i shërbimit shtetëror informativ serb. Kjo përbën pa dyshim rrezikim serioz të sigurisë kombëtare. Sipas Kushtetutës sonë (neni 94, pika 5, lidhur me nenin 127, pika 2) Këshillin e Sigurisë e kryeson kryeministri i vendit. Çka ka kryeministri që nuk e thërret mbledhjen? Mos ndoshta frikësohet nga presidenti që ia përmend bodrumin e Radojçiqit ku u themelua qeveria e tanishme? Çfarë çifti i tmerrshëm Thaçi-Haradinaj: reciprokisht të shantazhueshëm përmes veglave të Vuçiqit”, ka shkruar Konjufca.
-
Haradinaj tregon se a do ta thërrasë Këshillin e Sigurisë lidhur me këshilltarin e presidentit
-
Konjufca: Për keqardhje gatishmëria e BE-së për bashkëpunim me Qeverinë e re të Serbisë
-
Konjufca kërkon reagim ndërkombëtar për rastin e Sanduloviqit
-
Nuk ka ligj që ish-agjentit të BIA-së ia ndalon ushtrimin e mandatit të deputetit
-
Maxhuni thotë se po punohet për verifikimin e së kaluarës së Nikoliqit