Arbëri

Stoltenberg: Serbia dhe Kosova të marrin shembull Marrëveshjen e Prespës

Stoltenberg: Serbia dhe Kosova të marrin shembull Marrëveshjen e Prespës

Kosova dhe Serbia duhet të marrin si shembull Marrëveshjen historike të Prespës mes Maqedonisë së Veriut dhe Greqisë, por jo për të harruar të shkuarën, por për të shkuar përpara ashtu siç po shkon Maqedonia e Veriut dhe le të mbetet ky shembull si një model për vendet e tjera për të ecur përpara.

Kështu deklaroi sot sekretari i përgjithshëm i NATO-s, Jens Stoltenberg, në një konferencë të përbashkët me kryeministrin e Maqedonisë Veriore, Zoran Zaev, duke iu përgjigjur pyetjeve të mediave se sa të sigurta janë vendet e Ballkanit që nuk bëjnë pjesë në NATO, si për shembull rasti i Kosovës.