Arbëri

Basha i përgjigjet Ramës: Ti je artist në artin e mashtrimit

Basha i përgjigjet Ramës: Ti je artist në artin e mashtrimit

Kreu i Partisë Demokratike, Lulzim Basha deklaroi sot se demokracia kërkon që mosmarrëveshjet që nuk i zgjidh dot politika t’i zgjidhë populli me votë.

Duke folur për letrën e hapur dhe kërkesën për dialog të kryeministrit Rama, Basha tha se, “dje pasi shpalli hapur se shqiptarët janë më mirë pa gjykata, Edi Rama më dërgoi mua një letër për të më ftuar në “dialog”, pra, që unë dhe ai të ulemi për të biseduar, sepse, sipas tij, kështu e kërkon demokracia. Në të vërtetë demokracia e kërkon që pushteti të burojë nga populli dialogojë me popullin, demokracia kërkon që mosmarrëveshjet që nuk i zgjidh dot politika t’i zgjidhë populli, me votë”.