Surroi: Iniciativa për Tribunalin është tallje dhe mashtrim, e dëshmoi Brovina

Samiti i Berlinit i dha fund aventurës së Thaçit, thotë Surroi

22 May 2019 19:10
21:07

Shkrimtari dhe publicisti, Veton Surroi në një intervistë për Rubikon të KTV-së ka thënë se Samiti i Berlinit i dha fund aventurës së presidentit Hashim Thaçi.

“Samiti i Berlinit është fillimi i një tranzicioni prej dialogut të Brukselit drejt një stadi tjetër të procesit negociator. Pra, ajo që ka ndodh në Bruksel deri atëherë është pak a shumë e përmbyllur dhe ajo që ka ndodhur në Berlin është dhënia fund e një aventure që kishte degraduar në procesin e dialogut, e që mbërriti te këmbimi i territoreve dhe i njerëzve”, ka thënë Surroi.

Sipas tij, kancelarja Merkel dhe presidenti Macron, përmes këtij Samiti, treguan se do të ketë zhvillime më dinamike në këtë proces.

“Me sa jam unë i informuar, ekziston një bashkërenditje e plotë me Britaninë e Madhe dhe së fundmi edhe me Shtetet e Bashkuara të Amerikës. Me sa e di unë, pjesë e komunikatës nga Samiti i Berlinit, është integruar edhe një pjesë e cila është prodhim i Departamentit të Shtetit më herët”, ka shtuar ai.

20:53

Surroi: Dakordimi Mustafa – Kurti e çon në një shkallë tjetër veprimin opozitar

Zhvillim interesant e ka quajtur Veton Surroi takimin dhe dakordimin e dy krerëve opozitarë, Isa Mustafa dhe Albin Kurti, për siç thanë ata, rrëzimin e qeverisë.

“Duket interesant sepse ngrihet një shkallë më tutje prej veprimit të përditshëm i cili është kritik, ose del prej parlamentit, ose bën veprime të ndryshme, por jo edhe këtë, mocionin e mosbesimit. Mendoj që nga cilësia e veprimit të tyre, hartimit të këtij mocioni, do të rriten edhe pritshmëritë e qytetarëve të Kosovës”, ka thënë Surroi në Rubikon të KTV-së.

“Është zhvillim i ri sepse, me sa e dëgjova unë, ata thonë që po bëhen dakordime për mocionin e mosbesimit dhe jo për mungesën e numrave”, ka shtuar më tej.

Kujtojmë që sot kryetari i Lëvizjes Vetëvendosje Albin Kurti është takuar me kryetarin e LDK-së Isa Mustafa.

Surroi: Dakordimi Mustafa – Kurti e çon në një shkallë tjetër veprimin opozitar

Zhvillim interesant e ka quajtur Veton Surroi takimin dhe dakordimin e dy krerëve opozitarë, Isa Mustafa dhe Albin Kurti, për siç thanë ata, rrëzimin e qeverisë.

“Duket interesant sepse ngrihet një shkallë më tutje prej veprimit të përditshëm i cili është kritik, ose del prej parlamentit, ose bën veprime të ndryshme, por jo edhe këtë, mocionin e mosbesimit. Mendoj që nga cilësia e veprimit të tyre, hartimit të këtij mocioni, do të rriten edhe pritshmëritë e qytetarëve të Kosovës”, ka thënë Surroi në Rubikon të KTV-së.

“Është zhvillim i ri sepse, me sa e dëgjova unë, ata thonë që po bëhen dakordime për mocionin e mosbesimit dhe jo për mungesën e numrave”, ka shtuar më tej.

Kujtojmë që sot kryetari i Lëvizjes Vetëvendosje Albin Kurti është takuar me kryetarin e LDK-së Isa Mustafa.

Ashtu siç edhe paralajmëruan ditë më parë, temë diskutimi patën edhe mocionin e mosbesimit ndaj qeverisë në krye me Ramush Haradinajn.

20:49

“Nuk dimë cili është lajmi më i keq i ditës, një deklaratë e Thaçit a ndonjë skandal me miliona i Qeverisë”

Shkrimtari dhe publicisti, Veton Surroi, në Rubikon të KTV-së ka thënë se qytetaria në Kosovë e ka të vështirë të përcaktojë kundër çka të protestojë.

Sipas tij, qytetarët po e kanë të vështirë të ndajnë qëndrimet për dëmet që po u bëhen si nga skandalet e Qeverisë, por edhe nga presidenti i vendit.

“Një dëm të madh ka një vit që po bën Hashim Thaçi me idetë e Vuçiqit për ndarjen e Kosovës. Një pjesë e qytetarëve është e ndërgjegjshme se s’mund të ngrihesh në protestë kundër qeverisjes kur dëmin më të madh ekzistencial po ia bën presidenti i vendit. Ende nuk ka një vetëdije të këtillë që do të shpërfaqte nevojën universale kundër qeverisjes sepse kur ju dhe unë do të dilnim në rrugë do të dilnim kundër çkafit dhe në emër të çkafit. Kjo është problem esencial i qytetarisë në Kosovë, në konceptin e gjerë të fjalës”, ka thënë ai.

“Ka një vit kur e ke të vështirë të zgjohesh në mëngjes e me pa cili është lajmi më i keq, a edhe një prononcim i Thaçit a ndonjë skandal i ri të cilin e ka prodhuar Qeveria, ndonjë milion i ri që rrjedh nga buxheti i shtetit kot”, ka shtuar më tej Surroi.

Sipas Surroit, qendra e vendimmarrjes është një grup parapolitik i lidhur edhe me krimin. Ka thënë se në pushtet po bëhen ndarje feudale që po e gërryejnë nga brenda identitetin e shtetit.

“Qendra e vendimmarrjes është një grupacion i cili është parapolitik, është i lidhur në masë të madhe edhe me krimin, atëherë s’është me rëndësi çka vendos Kuvendi e këtë e kuptojnë edhe deputetët që marrin pjesë me disiplinë e përpiqen të ruajnë dinjitetin. Ata që s’shkojnë e dinë që shkuan apo jo s’bëhet dëm i madh. Kjo është e vërtetë edhe për një qeveri që ka kaq shumë ministra e kaq zëvendësministra. Kjo është e kundërta e efikasitetit. Gjithë ata njerëz i sillen këmbëve njëri-tjetrit sepse s’kanë çka të bëjnë. S’ka strukturë vendimmarrëse që do të tregojë përtej ndarjes feudale të pushtetit. Edhe brenda qeverisë është feudale, sepse thonë kjo është zona ime kjo e jotja. Fut njerëzit tu këtu, e të mitë këtu. Kur ndahet pushteti, zona ime ka kaq mjete, e jotja kaq”, ka deklaruar ai.

20:13

Surroi: Drejtësia s’bëhet me rezoluta, ato fyejnë viktimat e luftës

Veton Surroi thotë se rezolutat e prodhuara nga Kuvendi i Kosovës bëhen vetëm që çështjet të largohen nga rendi i ditës.

Madje, thotë Surroi, “vlejnë 24 orë, ndoshta më pak se kaq”.

“Rezolutat vlejnë 24 orë, ndoshta më pak se kaq. Kush i mban mend rezolutat e Kuvendit të Kosovës? Mos ta mashtrojmë opinionin, mund të mashtrohen për shumë gjëra tjera, por për çështjen e të zhdukurve, çështjen e krimeve, është krejtësisht e padrejtë, fyerje për qytetarët e Kosovës dhe sidomos për familjet e viktimave të luftës”.

Sipas tij, nuk mund t’u thuhet familjarëve të viktimave se një rezolutë do të ndihmoj që të zbardhet fati i fëmijës së vdekur.

“Nuk do ta gjejë drejtësinë rezoluta”, theksoi Surroi.

Sipas tij, rezoluta më së shumti shërben vetëm për ta hequr çështjen nga rendi i ditës.

20:06

Surroi e çuan mashtrim iniciativën për Tribunal Ndërkombëtar për krimet serbe

Iniciativa e kryeparlamentarit Kadri Veseli për krijimin e Tribunalit për krime serbe, sipas shkrimtarit dhe publicistit, Veton Surroi, përveç mosnjohje, është tallje dhe mashtrim për çështjen e krimeve.

Surroi në Rubikon tha se qasjen joserioze ndaj kësaj teme e tregon edhe fotografia e prezantuar nga deputetja e PDK-së, Flora Brovina.

“Themelimi i Tribunalit dhe i quajtur ndërkombëtar nga Kosova është jo vetëm tallje dhe mosnjohje, por është edhe një lloj mashtrimi për kauzën e krimeve, e zbardhjes së krimeve”, ka thënë ai.

“Në vend të këtyre çështjeve, të cilat janë humbje kohe dhe energjie, na bëjnë që të na shohin si tallje në botë, duhet ndërmarrë një veprim më serioz, dhe ky është dokumentimi, përmbledhja në një qendër të dëshmive për krime dhe pastaj inicimi, qoftë përmes dimensionit politik ose ligjor të përgjegjësisë“, ka deklaruar.

“Përgjatë 4000 ditëve të pavarësisë, Kosova nuk ka gjetur një ditë të flasë me Serbinë për përgjegjësinë e shtetit për shkatërrimet në Kosovë, për njëherë i ra ndërmend të themelojë një Tribunal. Kjo tregon nivelin e joseriozitetit”, ka shtuar ai.

19:10

Surroi: Iniciativa për Tribunalin është tallje dhe mashtrim, e dëshmoi Brovina

Iniciativa e kryeparlamentarit Kadri Veseli, për krijimin e Tribunalit për krimet serbe, sipas shkrimtarit dhe publicistit Veton Surroi, përveç mosnjohje, është tallje dhe mashtrim për çështjen e krimeve.

Surroi në Rubikon të KTV-së, tha se qasjen joserioze ndaj kësaj teme e tregon edhe fotografia e prezantuar nga deputetja e PDK-së, Flora Brovina.

Rubikonin e plotë mund ta ndiqni prej orës 20:00 në KTV dhe 21:40 në TV ARTA.

© KOHA. Të gjitha të drejtat janë të rezervuara.

Komentet

Shto koment

Të ngjashme