Cakaj e konsideron domosdoshmëri anëtarësimin e Kosovës në Këshillin e Evropës

Cakaj e konsideron domosdoshmëri anëtarësimin e Kosovës në Këshillin e Evropës

Bashkim Shala 18 May 2019 07:15

Ministri në detyrë për Evropën dhe Punët e Jashtme i Shqipërisë, Gent Cakaj, ka ngritur domosdoshmërinë e anëtarësimit të Kosovës në Këshillin e Evropës. Kërkesën Cakaj e ka bërë në ministerialin e Këshillit të Evropës që mbahet në Helsinki të Finlandës.

Ai ka theksuar se kjo organizatë do të jetë edhe më e suksesshme në rajonin e Ballkanit nëse edhe Kosova bëhet pjesë e saj. Sipas tij, anëtarësimi i Kosovës në KE do të ishte në interes si të vetë Kosovës, ashtu edhe të organizatës, shkruan sot “Koha Ditore”.

“Në këtë ministerial shfrytëzoj rastin t’ju informoj se kam ngritur edhe domosdoshmërinë e anëtarësimit të Kosovës në këtë organizatë, ngaqë anëtarësimi i Kosovës në këtë organizatë është thjesht kontribut për rritjen e standardeve dhe kritereve që proklamon KE-ja dhe në anën tjetër është një vlerë e shtuar për KE-në në përgjithësi. Sa më gjithëpërfshirëse të jetë KE-ja, aq më e fortë do të jetë organizata dhe aq më të fuqishme do të jenë vlerat që proklamon ajo”, ka deklaruar Gent Cakaj... (shkrimin e plotë e gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme