Brovina do të dëshmojë për krimet serbe me një foto ku shihet një grua duke u dhunuar, ajo është ende gjallë Foto: Koha

Brovina do të dëshmojë për krimet serbe me një foto ku shihet një grua duke u dhunuar, ajo është ende gjallë

16 May 2019 11:17

Flora Brovina, posedon një dëshmi që do ta paraqesë për krimet serbe në Kosovë, e ku shihet një grua duke u dhunuar nga serbët.

Në po këtë foto, prapa gruas ku po përdhunohet ajo janë familjarët e saj, raporton KTV.

Brovina ka thënë se kjo grua është ende gjallë dhe është e gatshme të dëshmojë për këtë rast dhe i njeh ata që e kanë dhunuar.

“Kemi fakte për gjenocidin. Helmimi ka qenë akt gjenocidial gjithashtu edhe largimi nga vendet e punës. Dhuna seksuale në shkollën e Qerezit ku gratë janë dhunuar dhe vrarë në puse”, tha Brovina, duke shtuar se është gjetur një kasetë me dhunime e me rroba të gjakosura.

“Kemi shumë dëshmi që ka pasur gjenocid. Gratë e dhunuar e kanë dëshmuar edhe në Gjykatën e Hagës”, tha ajo.

Brovina ka thënë se askush deri më tani nga Prokuroria Speciale nuk i ka intervistuar këto viktima të dhunës seksuale.

Por kujtojmë se Flora Brovina, është njëra nga deputetet e PDK-së që ka abstenuar kur është votuar ligji që do të merrej me gjykimin e krimeve të kryera gjatë dhe pas luftës.

© KOHA. Të gjitha të drejtat janë të rezervuara.

Komentet

Martin Gjoni17/05/2019 10:37

Nuk besoj se ashte ide e mir qe te publikohet kjo foto, per faktin se dhunuesit e shofin dhe din sakt se per cilin person bahet fjal , shoket i kan ne Kosovë dhe do ta zhdukin ket grue qe ashte ne foto, qe ti humbin gjurmet , mendimi im.

Filani17/05/2019 10:38

Tregoja Hashimit e hajnave e tradhetareve tjere.

arkitekt17/05/2019 10:38

Pseeee ke prite 20 vjet????

Wayne 17/05/2019 10:39

Çfarë tmërri! Plagë të pashërueshme. Shoqëria jonë shum shpejt po harron.

Shto koment

Të ngjashme