Arbëri

Sipas Drecunit, oferta amerikane për dialog rihapka çështjen e statusit të Kosovës

Sipas Drecunit, oferta amerikane për dialog rihapka çështjen e statusit të Kosovës

Beograd, 6 maj - Kryetari i Këshillit për Kosovën në Kuvendin e Serbisë, Millovan Drecun, i njohur për qëndrimet nacionaliste ndaj shqiptarëve e Kosovës, deklaroi sot se duhet të shfrytëzohet oferta e Shteteve të Bashkuara të Amerikës që të bisedohet për Kosovën, meqë, sipas tij, ajo ofertë nuk do të mbetet gjatë në tavolinë, raporton agjencia e lajmeve e Serbisë, FoNet, transmeton Koha.net.

Presidenti i Serbisë, Aleksandar Vuçiq ka folur për idenë e rikufizimit (me Kosovën - v.j.) në kuptim të rihapjes së çështjes së statusit në momentin kur edhe nga SHBA ka ardhur sinjali se edhe ata e kanë në mendje të njëjtën gjë, citohet të ketë thënë Drecun.