Ndërtimtaria ndër sektorët më të rrezikshëm, arkitektët thonë se duhen mjete mbrojtëse dhe sigurim i vend-punishteve

Ndërtimtaria cilësohet ndër sektorët më të rrezikshëm të punës.

Nivelin e rrezikshmërisë e rrit edhe më shumë siguria e dobët në vendpunishte.

Arkitekti Arbër Sadiki thotë se në mënyrë që të evitohen rastet e lëndimeve, por edhe të atyre me fatalitet, secila kompani duhet që, përveç pajisjeve trupore, t’i sigurojë edhe pajiset e duhura ndërtimore, raporton KTV.

Sipas tij, asnjë kompanie nuk duhet t’i jepet leja e ndërtimit nëse nuk i ka edhe pajisjet e kontrolluara.

Për këtë periudhë të vitit në Kosovë është shënuar një rast me fatalitet në sektorin e ndërtimtarisë, krahasuar me 7 të tilla sa kanë ndodhur në periudhën e njëjtë të vitit të kaluar.

Kryeinspektori i Punës, Basri Ibrahimi, thotë se asnjë kompani më nuk do të mund të fillojë ndërtimin pa e sjellë në Inspektorat edhe një plan të punës.

Edhe Arbëri 17 kor 2021 Pesë vdekje e mbi 80 aksidente në vendin e punës këtë vit në Kosovë

Vitin e kaluar, në përgjithësi, Inspektorati i Punës ka shqiptuar 270 gjoba në sektorin e ndërtimtarisë.

Kryeministri i Kosovës, Ramush Haradinaj, ka thënë se është i pamundur mënjanimi i tragjedive, por në raste të tilla duhet të hetohen të gjitha palët.