Scott: Zgjidhja Kosovë-Serbi është paraqitur në letrën e Trumpit – ajo është njohja e ndërsjellë
Ambasadori amerikan në Serbi, Kyle Scott, ka thënë se “zgjidhja e çështjes së Kosovës duhet ta përfshijë njohjen e ndërsjellë.“
Ai ka theksuar se kështu shkruan edhe në letrën që president ii SHBA-së ia ka dërguar presidentit të Serbisë Aleksandar Vuçiq.
“Tutje, çdo gjë varet nga ju”, ka porositur Scott.
Ai ka thënë kështu për TV Prva, duke komentuar takimin në Berlin më 29 prill në të cilin është ftuar udhëheqja e Serbisë.
I pyetur nëse Serbia mund të presë presione më të ashpra në muajt e ardhshëm dhe nëne SHBA-ja ka hequr dorë nga ndonjë zgjidhje kompromisi, Scott është përgjigjur: “Jo dhe jo", transmeton Koha.net.
“Ne zgjidhjen gjithëpërfshirëse të kësaj çështjeje ne shohim që ajo duhet të përfshijë njohjen e ndërsjellë. Kjo ka qenë e përfshirë edhe në letrën e presidentit (Donald) Trump ashtu që në këtë nuk ka asgjë të re. ndërsa sa i përket presionit ti të ri, nuk ka. Ne presim që të dy palët të kthehen në tryezën e negociatave, ndërsa për sa i përket marrëveshjes, çdo gjë varet nga ju”, ka përfunduar Scott.
