Arbëri

Hamza në takim me presidentin e BERZH-it, bashkëpunimi me Kosovën do të thellohet

 

Ministri i Financave Bedri Hamza priti sot në takim presidentin e BERZH-it Suma Chakrabarti. Në këtë takim u bisedua për marrëdhëniet ndërmjet Kosovës dhe BERZH-it, vazhdimin e bashkëpunimit financiar ndërmjet dy institucioneve si dhe për implementimin e projekteve të cilat ndikojnë në zhvillimin ekonomik të Kosovës, në veçanti për projektet infrastrukturore, në sektorin e transportit, ujitjes dhe mbështetjen e skemës për garantimin e kredive.

Siç njofton komunikata, Hamza duke i uruar mirëseardhje në Kosovë Presidentit të BERZH-it Chakrabarti falënderoj atë dhe Institucionin të cilin ai e drejton për gatishmërinë për të ndihmuar Kosovën përmes investimeve në projekte të rëndësishme për vendin, me theks të veçantë sektorin privat si bartës i zhvillimit ekonomik, si dhe shprehi nevojën për bashkëpunim të mëtutjeshëm ndërmjet dy institucioneve.