Arbëri

Cakaj: Vendimi për viza, pasqyrë e klimës politike elektorale në Holandë

Cakaj: Vendimi për viza, pasqyrë e klimës politike elektorale në Holandë

Ministri i Jashtëm në detyrë i Shqipërisë, Gent Cakaj theksoi se vendimi në parlamentin holandez për të kërkuar rikthimin e vizave me Shqipërinë është politikisht i motivuar.

“Që në fillim dua të sqaroj dy gjëra: E para një vendim i tillë është politikisht i motivuar, pra është më tepër pasqyrë e klimës politike elektorale në Holandë dhe po ashtu pasqyrë e tendencave politike në dritën e zgjedhjeve evropiane, se sa reflektim i realitetit faktik dhe zhvillimeve të fundit në Shqipëri. Në këtë kuptim ne duhet të mbështetemi tek të dhënat e komisionit që janë absolutisht në favorin e Shqipërisë se sa në mbizotërimin e perceptimeve publike momentale të vendeve anëtare”, tha Cakaj në një intervistë për Top Channel.