Molliqaj pyet Konjufcën: Sa herë dhe pse shkove te Burdushi

Molliqaj pyet Konjufcën: Sa herë dhe pse shkove te Burdushi

17 April 2019 00:10

Deputeti i PSD-së, Dardan Molliqaj, ka sqaruar në Interaktiv të KTV-së, pse po e përmend Burdushin në diskutimet e tij me Glauk Konjufcën.

“E kam një pyetje publike për Glaukun. A ka qenë te Burdushi?. Nëse po sa herë ka qenë dhe pse?”, ka thënë Molliqaj, përcjell Koha.net. “Një person që mban përgjegjësi publike, nëse zgjidhjet e problemeve që vijnë në jetë i adreson te njerëzit të diskredituar që qesin fall, është shumë problematike”, ka shtuar më tej ai.

Molliqaj ka thënë se “nuk do ta donte një deputet, një president e as një ministër të tillë”.

“Për mua është skandaloze, që figura publike që marrin vendime për qytetarët dhe vendin çajnë hallet te Burdushi”, ka thënë Molliqaj.

“Mendoj se është mirë që edhe për këtë të dalë dhe ta sqarojë opinionin publik. Ju e pyetët mbrëmë atë, e ai thoshte pyete Molliqajn. Pse mua? Unë nuk kam qenë te Burdushi”, ka thënë Molliqaj.

Kujtojmë se Hoxhë Basri Peqani, i njohur si Burdushi, ka qenë i arrestuar dhe aktualisht është në masën e mbrojtjes në liri, për mashtrim.

© KOHA. Të gjitha të drejtat janë të rezervuara.

Komentet

Dark Knight17/04/2019 16:11

"Hoxhe" Basri Peqani? Prape vazhdoni me dezinformata

Shto koment

Të ngjashme