Kurteshi: Komisioni për Arsim i brengosur për gjendjen aktuale arsimore në Kosovë Foto:Koha

SBASHK-u e MASHT-i afër zgjidhjes së problemit rreth kompensimit të orëve

03 April 2019 10:21
12:04

Pas mbledhjes së Komisionit për Arsim, kryetari Ismajl Kurteshi, tha se kanë ardhur në përfundim që dy kërkesat e SBASHK-ut tanimë janë të plotësuara sepse MASHT-i, është i interesuar për një vendim të ri për kompensimin e orëve.

Komisioni parlamentar është zotuar se do të punojë në ligjin për pagat sa i përket ciklit klasor të mësimdhënësve. Kërkesa ka qenë që SBASHK-u të merr vendim për kompensimin e mësimit.

Bytyqi, tha se ishte një takim i rëndësishëm dhe janë gati zgjidhjes së problemit.

“Do të bëjë tërheqjen e vendimit për orët e humbura. Nëse ndryshohet edhe koeficienti i pagave për mësimdhënësit 1-5 deri 6-9, atëherë do të thërrasim këshillin dhe do të marrim vendim për kompensimin e orëve të humbura”, tha ministri, raporton KTV.

Vjollca Gashi nga SBASHK-u, tha se kanë qenë bashkëpunues në këtë aspekt.

“Në momentin e ndryshimit të koeficientit ne do ta mbledhim kryesinë e SBASHK-ut dhe do të vendosim, por deri tani qëndrimi është që të kompensohet vetëm një javë”, tha Gashi.

10:21

Kurteshi: Komisioni për Arsim i brengosur për gjendjen aktuale arsimore në Kosovë

Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi po diskuton lidhur me kompensimin e orëve të humbura nga greva e mësimdhënësve.

Kryetari i këtij Komiisonit, Ismajl Kurteshi, tha se Komisioni është i brengosur për gjendjen aktuale në arsim dhe mos gjetjen e një gjuhe të përbashkët nga ana e MASHT-it E SBASHK-ut.

Image

“Nëse palët ndihen më të lira për të biseduar pa praninë e mediave atëherë lus mediat ta lëshojnë sallën dhe deklaratat për rrjedhën e kësaj mbledhje do t’i merrni pas përfundimit”, tha ai, raporton KTV.

Komisioni ka ftuar në mbledhje edhe përfaqësues të Këshillit të Prindërve.

© KOHA. Të gjitha të drejtat janë të rezervuara.

Komentet

Shto koment

Të ngjashme