Ramush Haradinaj ka folur edhe për raportet e tij me presidentin Hashim Thaçi, duke thënë se përçarja për taksën ndaj Serbisë po paraqet probleme dhe mos unifikim ndërmjet faktorit politik të brendshëm.

Ndërkaq për bashkëpunimin me nënkryetarin e Listës Serbe, Milan Radojiçiq, Haradinaj tha se nuk i ka dëgjuar komentet e presidentit në Tiranë.

“Do të ruhem në deklarata politike sikur rasti i Radojiçiqit ngaqë është në proces gjyqësor. Kam bashkëpunuar me Radojiçiqin sikur me ish-ministrin Rikallo. Dua të kujtoj se së bashku me presidentin Thaçi në zyrën e presidentit e kam takuar Radojiçiqin”, tha Haradinaj, raporton Kosovapress.

Haradinaj: Platforma për dialogun shumë shpejt në Kuvend për votim

Kryeministri i vendit, Ramush Haradinaj gjatë mbledhjes së Qeverisë, ka thënë se Platforma për dialogun me Serbinë shumë shpejt mund të sillet për votim në Kuvend.

“Platformën për dialog mund të ndodhë ta kemi së shpejti për votim në parlament. Mund të ndodhë që do të ftoj një seancë të jashtëzakonshme për platformën, mirëpo për këtë jemi në konsultime me spektrin politik dhe kryeparlamentarin Veseli”, ka thënë Haradinaj, shkruan televizioni publik.

Ai ka bërë të ditur se për nesër kanë ftuar një seancë solemne në orën 15:30 lidhur me Epopenë e UÇK-së dhe familjen Jashari.