Arbëri

Kuvendi kërkon një raport nga Qeveria për 500 mijë eurot e ndara për 17 Shkurt

Kuvendi kërkon një raport nga Qeveria për 500 mijë eurot e ndara për 17 Shkurt

Pesëqind mijë eurot e ndara nga Qeveria e Kosovës këtë vit për festimin e Ditës së Pavarësisë kanë qenë bosht i debatit, të premten, gjatë mbledhjes së Komisionit parlamentar për mbikëqyrje të financave publike.

Deputetët kanë kërkuar llogari rreth kësaj shume nga zëvendësministri i Financave, Fatmir Gashi, i cili ishte ftuar për të sqaruar Raportin e auditimit për menaxhimin financiar dhe kontrollet e borxheve publike për periudhën 2009-2017, shkruan sot “Koha Ditore”.