-
Nga:
Kushtrim Kadriu
- 5 shkurt 2019 20:17
- Shpërndaje në:
Pa paralajmërim dhe në mënyrë të fshehtë, kanë udhëtuar për në Bruksel, Fatmir Limaj dhe Shpend Ahmeti.
Burime të televizionit të afërta me zhvillimet, kanë thënë se bashkëkryesuesit e ekipit negociator kanë udhëtuar për në Bruksel, të hënën, për të diskutuar për ecurinë e dialogut me Serbinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNuk dihet se me kë janë takuar apo do të takohen, Fatmir Limaj dhe Shpend Ahmeti, gjatë qëndrimit të tyre në kryeqytetin evropian.
Televizioni ka provuar të kontaktojë me Limajn dhe Ahmetin, por asnjëri prej tyre nuk u është përgjigjur thirrjeve dhe pyetjeve të KTV-së.
Në vazhdimësi, si Limaj, ashtu edhe Ahmeti, kanë deklaruar se do të ketë transparencë të plotë për takimet dhe për procesin e dialogut.
Ndërkohë, KTV-ja ka raportuar se në fund të janarit, Limaj dhe Ahmeti nuk e kishin takuar ndërmjetësuesen e dialogut, Federica Mogherinin, por vetëm njërën nga këshilltaret e saj.
Ekipi shtetëror për dialogun kishte paralajmëruar se platforma për këtë proces do të dorëzohet në Kuvend në fund të janarit, por një gjë e tillë ende nuk ka ndodhur.
Ndërkohë, në fundjavë në Kuvend është miratuar Ligji për dialog, që është kundërshtuar nga dy partitë e mëdha opozitare, LDK dhe Vetëvendosje.