2 perditesime
10:55

Dërgohet në emergjencë njëra nga të akuzuarat për “Stenta 2”, kërkohet përjashtimi i kryetares së trupit gjykues

Njëra nga të akuzuarat për rastin “Stenta 2”, Perihane Sefa është marrë nga emergjenca para pak çastesh për kontrolle të mëtejme në emergjencën e qytetit, raporton KTV.

Avokati Shemsedin Piraj ka kërkuar përjashtimin e kryetares së trupit gjykues.

“Kam dyshime që do të ketë gjykim të denjë dhe të ligjshëm. Janë shkel dispozitat e kodit të procedurës”, ka thënë Piraj.

Kryetarja e trupit gjykues e ka ndërprerë shqyrtimin gjyqësor dhe do ta njoftojë kryetarin e Gjykatës për përjashtimin e kryetares nga trupi gjykues.

Më poshtë keni pamjet nga largimi i saj nga seanca e sotme gjyqësore.

10:14

Ndërpritet për gjysmë ore seanca “Stenta 2”

Avokatët kanë kërkuar që të ndërpritet seanca “Stenta” në mënyrë që të konstatohet gjendja shëndetësore e mjekes, Perihane Sefa.

Kryetarja ka marrë vendim që të ndërpritet seanca për gjysmë ore derisa të vjen mjeku për ta konstatuar gjendjen shëndetësore të Perihane Sefës, raporton KTV.

Image
09:33

Ndryshohet trupi gjykues në “Stenta 2”, të akuzuarit kërkojnë procesi të nis nga fillimi

Sot ka nisur shqyrtimi gjyqësor për rastin “Stenta 2”, ku të përfshirë janë mbi 40 mjekë të spitaleve publike, raporton KTV.

Në këtë rast ka pësuar ndryshime trupi gjykues me arsyetimin se njëra nga gjyqtaret ka një lëndë në paraburgim.

Avokati, Arianit Koci ka kërkuar pauzë për të shqyrtuar këtë ndryshim me avokatët, por që atij i dhënë pauzë.

Derisa me këtë rast kryetarja e trupit gjykues, Shahadije Gërguri i ka tërhequr vërejtjen avokatit Koci për kodin e sjelljes në gjykatë.

E akuzuara Perihane Sefa ka kërkuar që të lirohet për shkak të gjendjes shëndetësore, por kryetarja e trupit gjykues nuk e ka liruar atë nga seanca.

Me këtë rast kryetarja i ka tërhequr vërejtjen përsëri avokates së të akuzuarës Sefa, Kosovare Kelmendi për shkak të insistimit të saj për t’u liruar nga seanca.

Kelmendi ka thënë se Gjykata do të marrë përgjegjësinë për përkeqësimin e gjendjes shëndetësore të klientës së saj.

Por, gjyqtarja Shahadie Gërguri ka thënë se nuk do të lejojë më që ky proces të zvarritet.

Shumë prej të akuzuarve kanë kërkuar që procesi të kthehet në fillim për shkak të ndryshimit të trupit gjykues.