Arbëri

Moti për këtë fundjavë në Kosovë

Foto: Koha / ilustrim

IHMK-ja përmes një komunikate për media bën të ditur se moti në fundjavë në Kosovë do të jetë i qetë, i vranët e vende-vende me intervale të shkurta me diell.

“Pas këtyre reshjeve të borës vendi ynë do të vazhdoj të mbetet nën ndikimin e masave të ajrit me presion të lartë atmosferik. Në këto kushte vikendi do të karakterizohet me mot të qetë, i vranët dhe vende-vende do të ketë intervale të shkurta me diell”, thuhet në komunikatë.

Temperaturat minimale parashihen të lëvizin ndërmjet -11 deri -8 gradë Celsius, ndërsa maksimalet e ditës parashihen të lëvizin ndërmjet -2 deri 1 gradë Celsius.

Do të fryjë erë e lehtë deri mesatare nga drejtimi i verilindjes.