“Kosova e Re” kurrkah, Qeveria themelon ndërmarrjen që do ta blejë energjinë e prodhuar nga ajo

Alberta Hashani Alberta Hashani 11 January 2019 21:36

Ende pa u sqaruar shumë gjëra për të ardhmen e termocentralit “Kosova e Re”, ekzekutivi i vendit është ngutur ta themelojë Ndërmarrjen e Re Energjetike të Kosovës.

Kjo ndërmarrje do të merret me blerjen e energjisë që do të prodhojë termocentrali dhe të njëjtën do t’ua shesë operatorëve të shpërndarjes.

Ky hap vjen pas atij të ndërmarrë në majin e 2018-s, ku qeveria e emëroi bordin dhe kryesuesin e bordit, raporton KTV.

Megjithëkëtë, themelimi në këtë periudhë po cilësohet i hershëm nga shoqëria civile.

Sipas Dardan Abazit nga INDEP, kjo po shkakton vetëm kosto financiare.

Sipas burimeve në qeveri, brenda muajit, buxhetit të ministrisë i kanë kushtuar 3800 euro pagat e tyre.

Derisa, nga maji e deri në dhjetor afër 27 mijë euro.

Qeveria nuk e ka lënë me kaq. Ka hapur edhe konkursin për drejtorin e bordit.

Nga Instituti GAP, hulumtuesi Blend Hyseni ka treguar se në kontratë nuk është përcaktuar afati i themelimit të saj.

Zyrtarë të Ministrisë së Zhvillimit Ekonomik nuk kanë dhënë detaje, kurse në Zyrën e Kryeministrit nuk kanë treguar pse ka qenë i nevojshëm krijimi i ndërmarrjes dhe rekrutimi i stafit.

Lidhur me nevojën për themelimin e saj në vitin 2018, drejtohuni në Ministrinë e Zhvillimit Ekonomik.

Projekti i termocentralit pritet të kalojë në Kuvendin e Kosovës gjatë muajve të parë të vitit.

Kompania Contour Global ende nuk ka bërë përzgjedhjen e kompanive ndërtuese të termocentralit.

© KOHA. Të gjitha të drejtat janë të rezervuara.

Komentet

Shto koment

Të ngjashme