Arbëri

Dobroshi: Kosova ka ngecur në ofrimin e e-shërbimeve

Dobroshi: Kosova ka ngecur në ofrimin e e-shërbimeve
 

Qeveria e Kosovës nuk ka bërë investime të mjaftueshme në shërbime digjitale, përfshirë edhe në rritjen e transparencës, ka thënë Arianit Dobroshi, kryetar i Bordit ekzekutiv në Organizatën për promovimin e softuerit të lirë (FLOSSK), e cila përmes programit “TechCamp” ka mbështetur shtatë organizata të shoqërisë civile në krijimin e projekteve që kanë të bëjnë me luftimin e korrupsionit, transparencën dhe llogaridhënien përmes përdorimit të teknologjisë informative.

Në intervistën për gazetën “Koha Ditore”, Dobroshi ka thënë se institucionet publike do të duhej që në mënyrë proaktive të publikonin informacionet publike, duke filluar nga publikimi i kontratave. Edhe pse, sipas tij, këtë vit ka pasur hapje të kontratave nga ana e disa komunave në nivel lokal, një gjë e tillë nuk ka ndodhur edhe në nivelin qendror.