Haradinaj ua prezanton ambasadorëve të Quintit propozimin e parë për Marrëveshjen Gjithëpërfshirëse me Serbinë

Haradinaj ua prezanton ambasadorëve të Quintit propozimin e parë për Marrëveshjen Gjithëpërfshirëse me Serbinë

13 December 2018 16:19

Kryeministri Ramush Haradinaj, sot, përpara ambasadorëve të vendeve të Quintit ka paraqitur draftin e parë të propozimit për Marrëveshjen Gjithëpërfshirëse Ligjërisht Obligative ndërmjet Kosovës dhe Serbisë.

Ai ka thënë se draft-dokumenti është dokument mbështetës për procesin ekzistues të dialogut, si dhe aspektet që ndërlidhen me përshpejtimin e këtij procesi.

“Sot, përpara ambasadorëve të vendeve të Quint-it, kam paraqitur draftin e parë të Marrëveshjes Gjithëpërfshirëse Ligjërisht Obligative ndërmjet Republikës së Kosovës dhe Republikës së Serbisë. Ky draft-dokument është dokument mbështetës për procesin ekzistues të dialogut, si dhe aspektet që ndërlidhen me përshpejtimin e këtij procesi. Shefi i Dialogut Teknik, Avni Arifi, ka prezantuar kapitujt, që për ne do të përbëjnë parametrat kryesorë të marrëveshjes, e cila do t’i hapë rrugë normalizimit ndërmjet Kosovës dhe Serbisë. Draft-dokumenti me anekset përcjellëse, iu është dorëzuar edhe të gjithë bartësve të institucioneve dhe kryetarëve të të gjitha subjekteve politike. Në ditët dhe javët në vijim, ky draft-dokument do të diskutohet me të gjitha palët në shoqërinë tonë, për të arritur te dokumenti përfundimtar, ku do të përfshihet ekspertiza e të gjithëve”, ka shkruar Haradinaj në Facebook.

© KOHA. Të gjitha të drejtat janë të rezervuara.

Komentet

Shto koment

Të ngjashme