Arbëri

Ali Hadri nderohet në New York nga presidenti i Bashkisë, Ruben Diaz Jr

Bronx, New York, 29 nëntor - Figura e shquar kombëtare e shkencore, Ali Hadri, u nderua në New York nga kryetari i Bashkisë Bronx, z. Ruben Diaz Jr në shënimin e Ditës së Flamurit. Proklamaten e Nderit e pranoi zonja e Akademik Ali Hadrit, Nazmije Hadri, e cila shprehi mirënjohjen e saj për këtë vlerësim të lartë. Ajo tregoi sesi misioni jetësor i akademik Ali Hadrit ishte Pavarësia e Kosovës.

Znj. Hadri u foli të pranishmëve për kontributin e Akademik Hadrit në fushën e arsimit dhe synimin që ai kishte të krijohen kuadro që do të punojnë për realizimin e projektit të Kosovës së Pavarur.

Në këtë ceremoni morën pjesë edhe zëvendës guvernatorja e shtetit te New York-ut, Kathy Hochul, senatorja e Shtetit të New York-ut, Alessandra Biaggi dhe asamblisti Stephen B. Kaufman.

Para Bashkisë së Bronx u ngrit lartë në shtizë Flamuri Kombëtar, krah për krah atij të Shteteve te Bashkuara te Amerikës.

Këtë ngjarje, Bashkia e Bronxit e organizoi në bashkëpunim me Fondacionin e Shoqërisë Shqiptaro-Amerikane - “Bijtë dhe Bijat e Shqipërisë në Shtetet e Bashkuara” nën udhëheqjen e Presidentit dhe themeluesit z. Esad Rizai (në foto, nga e majta: Zëvendësgubernatorja e Shtetit të New Yorkut, Kathy Hochul , presidenti i Bashkisë së Bronxit, Ruben Diaz Jr., z. Nazmije Hadri, pastaj senatorja e Shtetit të New Yorkut Alessandra Biaggi, dhe z. Lumi Hadri-Devine, dhe në fotografinë 2: nga e majta: Lumi Hadri-Devine, z. Nazmije Hadri dhe z. Patrick Devine, dhëndri i Ali Hadrit).

{gallery}