Arbëri

Pacolli optimist se Kosova do të anëtarësohet në INTERPOL

Pacolli optimist se Kosova do të anëtarësohet në INTERPOL
Foto: Ilustrim

Ministri i Punëve të Jashtme të Kosovës, Behgjet Pacolli, është shprehur optimist se që nga nesër Kosova do të jetë pjesë e organizatës INTERPOL.

“Na ndajnë vetëm disa orë deri te momenti i rëndësishëm për ne. Momentin kur do të dihet a do të jetë Kosova anëtare e Interpolit apo ajo. Unë besoj se po. Për arsye se vota pro është një votë e merituar. Kosova, si shtet që është duke u konsoliduar çdo ditë dhe të qenurit në organizatën e Interpolit, është jashtëzakonisht me rëndësi për të. Dhe konsideroj se është eventi ndoshta më i rëndësishëm pas shpalljes së Pavarësisë”, ka thënë Pacolli në një konferencë në Dubai.