Kërkesë për debat parlamentar për vendosje të sanksioneve ekonomike e politike kundër Serbisë Foto: Ilustrim/Koha

Kërkesë për debat parlamentar për vendosje të sanksioneve ekonomike e politike kundër Serbisë

19 November 2018 13:42

Deputeti i pavarur Korab Sejdiu, bashkë me 12 deputetë të tjerë i kanë dërguar kryekuvendarit Kadri Veseli, kërkesën për debat parlamentar lidhur me nevojën urgjente për vendosje të Sanksioneve Ekonomike dhe Sanksioneve Politike kundër Serbisë, si masë reciprociteti.

Këtë e ka konfirmuar në profilin e tij zyrtar në Facebook, ku ka thënë se zjarri duhet të luftohet me zjarr.

“I mbështetur nga 12 kolegë deputetë të tjerë nga rradhët e opozitës (shih nënshkrimet), sot dorëzova në Kuvend të Republikës së Kosovës Kërkesën për Debat Parlamentar lidhur me nevojën urgjente për vendosje të Sanksioneve Ekonomike (përfshirë Embargon) dhe Sanksioneve Politike kundër Serbisë, si masë reciprociteti”, ka shkruar ai, transmeton Koha.net.

Siç edhe shihet në arsyetim, thotë Sejdiu, agresioni i Serbisë ndaj Kosovës, i intensifikuar sidomos kohëve të fundit, duhet të merr përgjigje të ashpër nga Kosova.

“Thjeshtë, e drejta e Kosovës për t’u vetëmbrojtur nga agresioni i drejtpërdrejtë i Serbisë mbizotëron çfarë do obligimi ndërkombëtar që Kosova mund të ketë marrë përmes marrëveshjeve bilaterale apo multilaterale”, përfundon Sejdiu.

© KOHA. Të gjitha të drejtat janë të rezervuara.

Komentet

Shto koment

Të ngjashme