KADC: Veturat e vjetra kërcënim serioz për shëndetin e qytetarëve

KADC: Veturat e vjetra kërcënim serioz për shëndetin e qytetarëve

19 October 2018 06:40

Vendimi i Komisionit për Zhvillim Ekonomik që të lejohet importi i veturave të vjetra deri në 15 vjet ka nxitur reagim edhe të Qendrës Kosovare për Avokim dhe Zhvillim (KADC).

Sipas saj, është zhgënjyes dhe dëshpërues fakti se ky komision përkundër dëshmive shkencore të shumta mbi rreziqet që shkaktojnë shkarkimet nga automjetet e vjetruara, me gjithë përpjekjet e politikave në Evropë dhe në botë, dhe në kundërshtim me rezolutat dhe strategjitë mjedisore të miratuara nga Kuvendi dhe Qeveria e Kosovës për uljen e nivelit të ndotjes së ajrit, merr vendim për të bërë pikërisht të kundërtën, shkruan sot Koha Ditore.

Ditë më parë Komisioni për Zhvillim Ekonomik ka votuar pro amendamentit i cili parasheh lejimin e importit të automjeteve të vjetra deri në 15 vjet. Por ky amendament nuk është përkrahur nga Komisioni për Integrime Evropiane e as nga ai për Buxhet dhe Financa. Kjo ka ndodhur edhe shkaku i reagimit të Zyrës së Bashkimit Evropian dhe Ambasadës së Gjermanisë në Kosovë, të cilat janë shprehur kundër këtij amendamenti.

Organizata KADC në një analizë të saj publikuar të enjten ka bërë të ditur se nëse miratohet një politikë e tillë do të rezultojë me kërcënim serioz për shëndetin e qytetarëve dhe ndotje të rëndë të ajrit, sidomos në mjediset urbane. Kjo do të mundësojë importimin e veturave me standardin evropian Euro 3 të shkarkimit që në vendet e BE-së është tejkaluar qysh para 13 vjetëve, që nga viti 2005...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Meti19/10/2018 08:58

Uns spo e di se pse jeni dhene pas automjeteve te vjetra kaq shume. Secili ka qef me ble veture te re. Po pak jan ata te cilet munden me e ba nje gje te till. Pse gjate stines se veres nuk po ka ndotje, ato vetura te cilat jan ne dimer jan edhe ne vere, Arsyeja kryesore eshte ngrohja me dru e qymyr dhe termoelektrana e Obiliqit, kete te gjithe dine. Veturat bejn pjes ne ndotjen e ambientit ne nje perqindje te vogel. Une kisha thene qe kontrollet teknike mos ti leshojn veturat te cilat se kalojn testin e lirimit te gazrave. Se gjithkund automjetet e vjetra regjistrohen por duhet te jen teknikisht ne rregull. Kushtoni ma shume rendesi qe qytetarve tju lehtsoni nxemjen ne menyra tjera gjat dimrit e t'ju shmanen nxemjes me dru e qymyr e kshtu jam shume i sigurt qe ndotja do te bie shume dhe do te kemi ajr me te paster.

Shto koment

Të ngjashme