Arbëri

KADC: Veturat e vjetra kërcënim serioz për shëndetin e qytetarëve

KADC: Veturat e vjetra kërcënim serioz për shëndetin e qytetarëve
 

Vendimi i Komisionit për Zhvillim Ekonomik që të lejohet importi i veturave të vjetra deri në 15 vjet ka nxitur reagim edhe të Qendrës Kosovare për Avokim dhe Zhvillim (KADC).

Sipas saj, është zhgënjyes dhe dëshpërues fakti se ky komision përkundër dëshmive shkencore të shumta mbi rreziqet që shkaktojnë shkarkimet nga automjetet e vjetruara, me gjithë përpjekjet e politikave në Evropë dhe në botë, dhe në kundërshtim me rezolutat dhe strategjitë mjedisore të miratuara nga Kuvendi dhe Qeveria e Kosovës për uljen e nivelit të ndotjes së ajrit, merr vendim për të bërë pikërisht të kundërtën, shkruan sot Koha Ditore.