Zyra e Kryeministrit edhe njëherë ka heshtur para kërkesës së Komisionit për Zhvillim Ekonomik për dhënien e sqarimeve për largimin e Fadil Ismailit nga lista për kryesues bordi të Zyrës së Rregullatorit të Energjisë, raporton KTV .
Komisioni e kishte shtyrë në mbledhjen e 11 shtatorit procedimin e emrave në Kuvend. E, ZRRE-së do t’i zvarritet ende procesi për kryesues bordi, pasi komisioni sërish ka votuar kundër procedimit të emrave në Kuvend.
Por, sipas deputetit nga pozita, Muharrem Nitaj, kryeministri me këtë vendim nuk e ka shkelur ligjin.
Përzgjedhja zigzage e emrave shkaktoi përplasje mes deputetes, Hykmete Bajrami dhe kryetares së Komisionit, Sala Berisha-Shala. Fadil Ismaili ishte vlerësuar me 36.6 pikë nga komisioni, pjesë e të cilit ishte edhe Ambasada Britanike.
I përjashtuar ishte edhe kandidati i tretë, Përparim Kabashi me 28.8 pikë.Derisa emrat e përzgjedhur nga Zyra e Kryeministrit për t’u dërguar në Kuvend ishin, Petrit Pepaj i dyti me 36.4 pikë dhe Bekim Jakupi i katërti me 28.8 pikë.
-
Kryeministria nuk jep sqarime pse u hoqën nga lista dy garues për kryesim të ZRRE-së
-
Procedohet në Kuvend lista e “korrigjuar” me kandidatë për kryesues të ZRRE-së
-
Qeveria kthen Ismailin si kandidat për kryesues të ZRRE-së
-
Qeveria nuk sqaron pse e hoqi nga lista kandidatin me më së shumti pikë për kryesues të Bordit të ZRRE-së
-
Politika vazhdon t’i zgjedhë të vetët në ndërmarrjet publike