Presidenti i Kosovës, Hashim Thaçi, vazhdon të jetë i paqartë me deklaratat e tij për dialogun me Serbinë.
Ai ka theksuar se gjithsesi do të shtrojë kërkesën e Luginës së Preshevës për bashkim me Kosovën, teksa ka shtuar se janë zëra joperëndimorë ata që thonë se po kërkohet shkëmbim territoresh dhe korrigjim kufijsh.
Thaçi ka kritikuar opozitën duke thënë se po duan të nisin luftë me Serbinë.
“Nëse dikush dëshiron t’i shpallë luftë Serbisë, urdhëroni Albin Kurti e Isa Mustafa, hajrin ia pafshin”, ka thënë ai duke shtuar se “ndoshta ata kanë aftësi teknike e strategjike për luftë, gjë që nuk dihet publikisht”.
“Lufta ka përfunduar. E kemi fituar luftën. Kosova është e lirë dhe e pavarur”, ka deklaruar ai.
Edhe
Kurti: Serbia do Trepçën dhe Ujmanin; me LDK-në do të bashkëpunojmë nga sot
Thaçi ka deklaruar po ashtu se “Trepça e Ujmani do të jenë pjesë e Kosovës përgjithmonë”.
Teksa ka shtuar se “arritja e marrëveshjes me Serbinë është pothuajse e pamundur”, Thaçi ka thënë se nuk do të ndodhë asnjë marrëveshje pa pëlqimin e Amerikës, Bashkimit Evropian dhe NATO-s.
-
Kurti: Thaçi, gjysmë president i Kosovës, gjysmë i Serbisë
-
Thaçi rihap temën e bashkimit të Luginës me Kosovën para nisjes për në SHBA
-
Thaçi s’i komenton deklaratat e Haradinajt për kufirin, thotë se ndryshimi i Kushtetutës s’është fundi i botës
-
Thaçi insiston në korrigjim kufijsh e pezullim të taksës ndaj Serbisë