Jose Mourinho ka pranuar se Wayne Rooney ka nisur periudhën më të vështirë të karrierës derisa po vazhdon të mendoj rreth të ardhmes së tij në Manchester United.
31-vjeçari nuk është në formacionin bazë dhe këtë sezon ka luajtur vetëm 14 ndeshje në Premier Ligë. Ofertat e majme nga Lindja e Largët mund ta bindin anglezin që t’i jap fund karrierës së tij 13-vjeçare me Unitedin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMourinho e di situatën me të cilën përballet Rooney, pasi më parë ka punuar me legjendat e Chelseat, Frank Lampard dhe Didiger Drogba. Portugezi ka thënë se nuk është e lehtë përballja me këto situata.
“Është e vështirë sepse gjatë karrierës sime jam përballur me këso situata të lojtarëve – lojtarë me shumë histori – në pjesën e fundit të karrierës së tyre”, ka thënë Mourinho për Omnisport.
“Kisha lojtarë në këtë fazë të karrierës – lojtarë me histori të madhe në klub. Kjo më ndodhi tek Interi, Real Madridi dhe Chelsea. Frank Lampard dhe Didier Drogba. Kur erdha për herë të parë ishin në kulmin e karrierës. Kur erdha së dyti, ishin në fundin e karrierës. Është e vështirë për ta”.