Pas rinumërimit të votave Besa Luzhës i dalin pesë vota në vendvotimin “1907E”
Pas rinumërimit të votave nga KQZ-ja është konfirmuar se kandidatja për deputete nga koalicioni AAK-PSD, Besa Luzha ka marrë pesë vota në vendvotimin “1907E” në Fakultetin Teknik në Prishtinë.
Luzha, që kishte votuar së bashku me bashkëshortin e saj në qendrën e votimit “1907E”, kishte marrë vetëm një votë në këtë qendër të votimit e për këtë ajo kishte shprehur shqetësimin e saj pasi ishte e sigurt për të paktën dy vota.
