Rinumërohen 141 nga 314 vendvotime Foto: Driton Paçarada / KD

Rinumërohen 141 nga 314 vendvotime

13 October 2019 12:15

Në Qendrën e Numrit dhe Rezultateve edhe të dielën po vazhdohet me rinumërimin e vendvotimeve për të cilat ka vendosur KQZ-ja gjatë kësaj jave.

Sipas zëdhënësit të KQZ-së, Valmir Elezi, deri të shtunën në mesnatë janë rinumëruar 141 prej 314 vendvotimeve dhe se ky proces po vazhdon edhe të dielën.

Elezi, për Ekonomia Online, ka sqaruar se përse rinumërimi në QNR zgjat më shumë se numërimi i fletëvotimeve në vendvotime ditën e zgjedhjeve.

“Arsyeja se persë numërimi i fletëvotimeve të 2547 vendvotimeve përmbyllet brenda pak orëve pas procesit të votimit dhe rinumërimi i 314 vendvotimeve zgjat më shumë -është se çdo vendvotim ka këshillin, anëtarët e të cilit bëjnë numërimin e atij vendvotimi, ndërsa rinumërimi këtu varet nga kapaciteti i QNR-së, pra janë vetëm 22 tavolina numërimi”, Elezi.

Komentet

Shto koment

Të ngjashme