Humbja e madhe e Ahmetit - qytetarët e Prishtinës e shfaqën dëshpërimin me punën e tij

Mehmet Krasniqi Mehmet Krasniqi 08 October 2019 19:23

Banorët e kryeqytetit, të cilët Shpend Ahmeti i udhëheq tash e gjashtë vjet, duket se e kanë humbur besimin në kryetarin e tyre.

Këtë e dëshmon numri i vogël i votave që PSD-ja e Ahmetit i ka marrë në Prishtinë në zgjedhjet e parakohshme parlamentare të 6 tetorit, raporton KTV.

PSD-ja, që në këto zgjedhje garoi në koalicion me AAK-në, ka dalë subjekti i katërt, duke marrë vetëm 7 mijë e 633 vota apo 7.6 për qind.

Mandatin e dytë të kryetarit të Prishtinës, Ahmeti, atëherë pjesë e Vetëvendosjes, e kishte fituar me votat e 42 mijë qytetarëve.

Këtë rënie në vota të Ahmetit, qytetarët e lidhin me punën e pamjaftueshme në komunë dhe me angazhimin e tij si kryetar i një partie tjetër.

Për analistët politikë, ky rezultat i dobët i Ahmetit në Prishtinë, është shfaqje e pakënaqësive të qytetarëve me mënyrën se si po udhëhiqet komuna më e madhe në vend.

Monitoruesit e punës së komunës thonë se kryetari Ahmeti i ka larguar qytetarët nga vetja duke mos marrë pjesë në shumë takime publike me ta.

Sipas Iniciativës për Progres, ky rezultat e ka lëkundur pozitën e Ahmetit si kryetar.

Përveç në këto zgjedhje, Ahmeti kishte kandiduar për deputet edhe si anëtar i LVV-së në 2017-ën, ku kishte dalë më i votuari pas Albin Kurtit, por që më pas e kishte zgjedhur pozitën e kryetarit të Prishtinës.

© KOHA. Të gjitha të drejtat janë të rezervuara.

Komentet

Doni09/10/2019 15:45

Shpendi eshte person i rrespektuar. Nese nuk ka mujt me punu sa duhet, ma shume eshte si rezultat i pengesave, njehere nga LDK e ma vone edhe nga VV. Natyrisht qe eshte prite ma shume prej tij. Megjithate eshte nje prej njerezve me te mire qe ka politika jone, qofte si politikan, qofte si njeri!

Shto koment

Të ngjashme