Zgjedhjet 2019

Bashkëshorti i Vjosa Osmanit akuzon Agim Bahtirin për fabrikim të lajmeve të rreme

Bashkëshorti i Vjosa Osmanit akuzon Agim Bahtirin për fabrikim të lajmeve të rreme

Prindon Sadriu, bashkëshorti i kandidates së LDK-së për kryeministre, Vjosa Osmani, ka akuzuar oponentët e kësaj të fundit për garë jo fer në zgjedhjet e 6 tetorit. E ka vënë gishtin drejt Agim Bahtirit të Vetëvendosjes, duke thënë se një portal i financuar nga ai ka fabrikuar gënjeshtra edhe në ditën e zgjedhjeve.

“Sulme, shpifje, sajime, gënjeshtra, fabrikime e idiotizma. Nuk u la gjë pa u përdorur kundër Vjosës, mua dhe familjes sonë nga dy anët e bolshevikëve. Bolshevikët në publik atakonin njëri tjetrin, ndërsa natën skutave fabrikonin lajme të rreme, shpifje. Gjithat kundër Vjosës. Kundër saj, sepse pikërisht te ajo shihnin rrezikun nga humbja e thellë. Prandaj edhe u bënë bashkë”, ka thënë Sadriu, në një postim të tij në Facebook.