Pranohen 2 mijë pako me fletëvotime nga diaspora, KQZ-ja thotë se janë të sigurta Foto ilustrim

Pranohen 2 mijë pako me fletëvotime nga diaspora, KQZ-ja thotë se janë të sigurta

Dardane Neziri Dardane Neziri 01 October 2019 06:22

Dy mijë pako me fletëvotime nga diaspora janë regjistruar deri para tri ditësh në Kosovë. Ato po ruhen në një hapësirë, e cila sipas Komisionit Qendror Zgjedhor (KQZ) është “e veçantë dhe e sigurt”.

Zyrtarë të saj nuk kanë saktësuar se ku gjendet ajo hapësirë, por kanë thënë se është e siguruar 24 orë nga Policia e Kosovës.

Zëdhënësi i KQZ-së, Valmir Elezi, duke u përgjigjur në pyetjet e “Kohës Ditore” rreth procesit të votimit të diasporës, ka thënë se aktualisht është duke u zhvilluar periudha për votim përmes postës, e cila ka filluar më 19 shtator.

Ka shtuar se fletëvotimet duhet të pranohen nga KQZ-ja deri më datën 5 tetor 2019.

“Sipas të dhënave, deri më 27 shtator kemi pranuar 2 mijë pako të supozuara me fletëvotime”, ka theksuar ai.

Elezi ka thënë se numërimi i votave përmes postës bëhet në Qendrën e Numërimit dhe të Rezultateve, pas ditës së zgjedhjeve dhe pasi të zhvillohen të gjitha procedurat e parapara. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme