Vështrime

Edhe Gjermania duhet të kalojë nga fjalët në vepra për Kosovën dhe Ballkanin

Nuk është hera e parë që një kancelar gjerman shpreh mbështetje për liberalizimin e vizave për Kosovën, për njohjen e Kosovës dhe Serbisë si dy shtete, për nisjen e negociatave të anëtarësimit me Shqipërinë dhe Maqedoninë e Veriut, dhe në përgjithësi për procesin e zgjerimit të BE-së. Do të ishte mirë që tash edhe Gjermania të kalojë prej fjalëve në vepra dhe që këto mbështetje të përkthehen në veprime konkrete të këtij shteti në institucionet e Bashkimit Evropian

Nuk është hera e parë që një kancelar gjerman shpreh mbështetje për liberalizimin e vizave për Kosovën, për njohjen e Kosovës dhe Serbisë si dy shtete, për nisjen e negociatave të anëtarësimit me Shqipërinë dhe Maqedoninë e Veriut, dhe në përgjithësi për procesin e zgjerimit të BE-së. Do të ishte mirë që tash edhe Gjermania të kalojë prej fjalëve në vepra dhe që këto mbështetje të përkthehen në veprime konkrete të këtij shteti në institucionet e Bashkimit Evropian

Kancelari gjerman, Olaf Scholz, dërgoi porosi të qarta dhe premtuese gjatë vizitave të tij në disa vende të Ballkanit Perëndimor. Këto porosi janë të mirëseardhura dhe u kuptuan nga shumë njerëz, jo vetëm politikanë, në rajon si qëndrime serioze të një shteti serioz që ka ndikim vendimtar në Bashkimin Evropian.

Scholz mbështeti në emër të vendit të tij liberalizimin e vizave për Kosovën. Mbështeti nisjen e negociatave të anëtarësimit me Maqedoninë e Veriut. Mbështeti njohjen e ndërsjellë mes Kosovës dhe Serbisë, pa të cilën as njëri e as tjetri shtet nuk mund të bëhen anëtarë të Bashkimit Evropian. Mbështeti në përgjithësi edhe procesin e zgjerimit të BE-së si një proces të forcimit të paqes dhe stabilitetit në rajonin e Ballkanit Perëndimor, por edhe në tërë Kontinentin Evropian.