Vështrime

Traktati i “Open Balkan” që do të pranohej nga Kosova

Kosova ka refuzuar kategorisht që të jetë pjesë e “mini-shengenit ballkanik”, apo siç u njoh më vonë zyrtarisht si “Open Balkan”. Dhe me të drejtë: të gjitha qeveritë kanë vlerësuar se Kosova nuk mund të hyjë në një nismë ku nuk pranohet si shtet me të drejta të plota.

Qeveria e Kosovës duhet të propozojë një traktat të ”Open Balkan” në të cilin mund të anëtarësohet

Kosova ka refuzuar kategorisht që të jetë pjesë e “mini-shengenit ballkanik”, apo siç u njoh më vonë zyrtarisht si “Open Balkan”. Dhe me të drejtë: të gjitha qeveritë kanë vlerësuar se Kosova nuk mund të hyjë në një nismë ku nuk pranohet si shtet me të drejta të plota.

Por ky vendim ka bërë që presioni të bjerë te Kosova. Duke përfshirë edhe presionin që ka bërë dhe bën vazhdimisht kryeministri i Shqipërisë, Edi Rama. Edhe pse pjesë e kësaj nisme nuk janë as Mali i Zi dhe Bosnjë-Hercegovina, pre sioni i shteteve të rajonit dhe i bashkësisë ndërkombëtare është ushtruar më shumë ndaj Kosovës. Madje në Marrëveshjen e Uashingtonit në vitin 2020, njëra ndër pikat që i ishte imponuar palës kosovare ishte edhe anëtarësimi në nismën e “mini-shengenit”.