Tokio 2020

Kosovare Asllani pozon afër flamurit të Kosovës në Tokio

Futbollistja Kosovare Asllani ka gjetur kohë të pozojë afër flamurit të Kosovës në fshatin olimpik, aty ku po mbahen Lojërat Olimpike ‘’Tokyo 2020’’.

Asllani, e cila është pjesë e Suedisë në Olimpiadë, e ka postuar foton në profilin e saj në Facebook.

32-vjeçarja bëri me duar shenjën e zemrës afër vendit ku po valvitet flamuri kosovar.

Mesfushorja ka qenë pika kyçe e Suedisë për kualifikimin në çerekfinale të Lojërave Olimpike, aty ku do të takohen me Japoninë.

Asllani është me prejardhje nga Kosova, por prindërit e saj emigruan në Suedi kur ajo ishte shumë e vogël.