Tempus

Demolli-Nimani: Opinioni i Venecias për vettingun, jo siç u premtua nga VV-ja

 

Mexhide Demolli-Nimani nga Lëvizja FOL ka thënë se opinioni i Komisionit të Venecias për vettingun, nuk është ashtu siç është premtuar nga partia në pushtet.

“Në fakt, opinioni, rekomandimet që dolën sot vërtet na japin një dritë në fund të tunelit, ndoshta jo ajo që na është premtuar nga partia në pushtet, ndoshta jo një vetting në nivel të përgjithshëm. E thatë edhe ju, shpresoj shumë që partitë politike ndoshta që aktualisht janë në opozitë, nuk do t’ia kthejnë ndoshta në të njëjtën formë si Lëvizja Vetëvendosje, që në shumë raste edhe ka munguar, ose nuk e ka ofruar përkrahjen e saj sa ishte në opozitë, në nisma të ndryshme”, tha Demolli-Nimani në “Tempus” të KTV-së.