Një rrjedhje e madhe e të dhënave nga një firmë kineze e sigurisë kibernetike ka zbuluar se agjentët e sigurisë shtetërore paguajnë dhjetëra mijëra para për të mbledhur të dhëna për objektiva, përfshirë qeveritë e huaja, ndërsa hakerët grumbullojnë sasi të mëdha informacioni për çdo person ose institucion që mund të jetë me interes për klientët e tyre të mundshëm.
Memoria e më shumë se 500 dosjeve të zbuluara nga firma kineze I-Soon u postua në internet dhe mendohet nga ekspertët e sigurisë kibernetike si origjinale. Disa nga objektivat e diskutuara përfshijnë NATO-n dhe Ministrinë e Jashtme të Mbretërisë së Bashkuar, raportoi Guardian.
Rrjedhja ofron një pasqyrë të paprecedentë në botën e hakerëve të punësuar të Kinës, të cilën kreu i shërbimeve të sigurisë në Mbretërinë e Bashkuar e ka quajtur një sfidë "masive" për vendin.
Dosjet tregojnë për shtrirjen e gjerë të operacioneve të inteligjencës së Kinës.
Në një prej shumë “screenshot-ave” gjendet një dosje me titull “shënime nga Sekretariati për Çështje Evropiane i Maqedonisë së Veriut”.
