Twitteri po planifikon të fokusohet në video dhe tregti për të rigjallëruar biznesin përtej reklamimit digjital, raportoi të dielën Reuters.
Shefja e re ekzekutive e kompanisë, Linda Yaccarino, u ka thënë investitorëve të Twitterit të enjten se janë në bisedime me figura politike, shërbime të pagesave dhe botues të lajmeve e media për partneritete të mundshme.
Pasi Elon Musk e bleu Twitterin në tetor, kompania është përballur me muaj kaosi, duke përfshirë pushimet nga puna të mijëra punonjësve, kritika për moderimin e përmbajtjes së dobët dhe një eksod të shumë reklamuesve, të cilët nuk dëshironin që reklamat e tyre të shfaqeshin pranë përmbajtjes së papërshtatshme.
Kompania është fokusuar gjithashtu në rritjen e përmbajtjes video në platformë.
