Tech

Kanadaja përballet me një kërcënim në rritje nga sulmet kibernetike

Ministrja kanadeze e Mbrojtjes, Anita Anand, ka thënë të shtunën se infrastruktura kritike e vendit po shënjestrohej gjithnjë e më shumë nga sulmet kibernetike, duke paraqitur kërcënim të madh për ekonominë e prodhuesit të katërt më të madh të naftës së papërpunuar në botë, raportoi të dielën Reuters.

Departamenti Amerikan i Shtetit ka paralajmëruar muajin e kaluar se Kina është në gjendje të nisë sulme kibernetike kundër tubacioneve të naftës dhe gazit dhe sistemeve hekurudhore, pasi studiuesit kanë zbuluar se një grup hakerësh kinezë kanë spiunuar në rrjete të tilla.

Në një intervistë në margjinat e një samiti të sigurisë aziatike në Singapor, Anand ka thënë se ka pasur një rritje të sulmeve kibernetike në të gjithë Amerikën e Veriut, megjithëse ajo nuk ia atribuoi sulmet ndonjë aktori të sponsorizuar nga shteti.

"Kemi parë sulme në infrastrukturën kritike në vendin tonë. Rreziqet mund të jenë thelbësore për ekonominë dhe sistemet që mbrojnë jetën e qytetarëve tanë”, ka thënë Anand.

Kanadaja është shtëpia e një numri tubacionesh të mëdha nafte që janë të rëndësishme për furnizimet globale të naftës së papërpunuar.

"Duhet t'i kemi sytë hapur ndaj Kinës. Ata janë bërë një fuqi globale gjithnjë e më shkatërruese", tha Anand kur u pyet për Kinën.