FBI: Sabotuam një mjet hakimi të krijuar nga spiunët elitë rusë
Foto ilustrim
Byroja Federale e Hetimeve (FBI) ka sabotuar një grup softuerësh të përdorur nga spiunët elitë rusë, kanë njoftuar të martën autoritetet amerikane, duke ofruar një paraqitje të shkurtër të lëvizjes digjitale midis dy superfuqive kibernetike, raportoi Reuters.
Zyrtarët e lartë të zbatimit të ligjit kanë thënë se ekspertët teknikë të FBI-së kanë identifikuar dhe çaktivizuar malware të përdorur nga shërbimi i sigurisë FSB i Rusisë kundër një numri të pazbuluar kompjuterësh amerikanë, veprim ky me të cilin ata shpresojnë se do t’i jepte goditje vdekjeprurëse një prej programeve kryesore të spiunazhit kibernetik të Rusisë.
"Ne e vlerësojmë këtë si mjetin e tyre kryesor të spiunazhit. Uashingtoni shpreson se operacioni do ta çrrënjosë atë nga fusha e betejës virtuale", tha para shtypit një nga zyrtarët amerikanë.
Ai shtoi se spiunët e FSB-së pas malwaret, të njohur si Snake, janë pjesë e një grupi famëkeq hakerimi të gjurmuar nga sektori privat dhe i njohur si "Turla".
Grupi ka qenë aktiv për dy dekada kundër një sërë objektivash të linjës së NATO-s, agjencive qeveritare të SHBA-së dhe kompanive teknologjike.
"Turla" konsiderohet gjerësisht si një nga ekipet më të sofistikuara të hakerave të studiuara nga komuniteti i kërkimit të sigurisë.
Qeveria amerikane e quajti ndërprerjen e malware të Turlës Snake si "Operacioni Medusa".
