Më 4 janar, rregullatorët e Bashkimit Evropian gjobitën Metan me bazë në SHBA një total prej 390 milionë eurosh për shkelje të privatësisë, duke e ndaluar kompaninë të detyronte përdoruesit të pranonin reklamat e bazuara në aktivitetin online në 27 vendet e bllokut.
Komisioni për Mbrojtjen e të Dhënave të Republikës së Irlandës e ka dënuar Metan me dy gjoba që arrijnë në 390 milionë euro në një vendim që tani mund të “shkundë” modelin e biznesit të kompanisë për të synuar reklamat bazuar në aktivitetet e përdoruesve në internet. Kompania Meta deklaroi se do të ankohet, shkruan Euronews.
Meta dhe kompani të tjera të teknologjisë së lartë janë nën presion nga legjislacioni i BE-së që imponon rregulla të reja të privatësisë në internet, që janë ndër më të rreptat në botë.
Rregullatori irlandez është rregullatori kryesor evropian i privatësisë së të dhënave për Metan, pasi selia e tij rajonale është në Dublin. Rregullatori e gjobiti korporatën me 210 milionë euro për shkelje të privatësisë në Facebook dhe 180 milionë euro të tjera për shkelje në Instagram.
