Operatori kombëtar i telekomunikacionit të Ukrainës, Ukrtelecom, po i rikthen shërbimet e internetit pasi zmbrapsi një sulm masiv kibernetik.
Siç raportoi BBC-ja të martën, kompania e kishte kufizuar qasjen e klientëve për t’i mbrojtur përdoruesit ushtarakë dhe infrastrukturën kritike.
Ndërkohë, monitoruesi global i internetit, Netblocks, deklaroi se kjo ishte ndërprerja më e madhe që i ka ndodhur Ukrtelecomit, që nga fillimi i pushtimit rus në Ukrainë.
Përdoruesit e internetit në Ukrainë nuk thanë se patën probleme me shërbime të internetit.
Ukrtelecomi është ofruesi më i madh i internetit në vend për kah mbulimi gjeografik, derisa Kyivstar është i pari për nga numri i klientëve.
