Tech

Google prezanton Pixel 4 dhe Pixel 4 XL me ekrane 90Hz OLED dhe kamera të reja telofoto

Google prezanton Pixel 4 dhe Pixel 4 XL me ekrane 90Hz OLED dhe kamera të reja telofoto

Kompania Google i ka prezantuar telefonat e vet premium për vitin 2019, ndërsa Pixel 4 dhe Pixel 4 XL paraqesin vizionin aktual të kompanisë për telefonin e përsosur Android. Karakteristikat kryesore të dy modeleve janë ekranet 90Hz dhe kamerat e dyfishta në anën e pasme. Ekranet janë praktikisht e vetmja gjë madhore që i ndan dy telefonat për nga specifikimet, raporton GSMArena.

Pixel 4 vjen me një panel 5.7 inçësh OLED me rezolucion 1080p+, ndërsa Pixel 4 XL vjen me një ekran më të madh dhe më të mprehtë OLED 6.3 inçësh në rezolucion QHD+. Në të dy rastet, raporti i faqeve është 19:9, ndërsa në ekrane nuk ka prerje dhe interfejse të ndërlikuara të përdoruesit. Smooth Display i ri ka rifreskim prej 90Hz. Për ta kursyer baterinë, ekrani punon në 60Hz kur në të nuk ndodh asgjë kërkuese. Ekranet kanë mbështetje HDR dhe modin Always On.