Microsoft Exceli me një miliard instalime përmes Play Store

Microsoft Exceli me një miliard instalime përmes Play Store

10 October 2019 09:01

Aplikacionet e Microsoftit po bëhen gjithnjë e më të popullarizuara në Android. Exceli tani u është bashkuar aplikacioneve Word dhe One Drive, duke i regjistruar një miliard shkarkime në Play Store, raporton AndroidPolice.

Vegla për tabela, e krijuar nga Microsofti është ende përpara zgjidhjes Google Sheets në Android. Aplikacioni Google Sheets ka arritur në 500 milionë instalime këtë vit, shkruan KOHA Ditore.

Disa pajisje, si linja e Samsungut Galaxy Note10, vijnë me Excelin tashmë të instaluar (si dhe disa aplikacione të tjera të Microsoftit), gjë që sigurisht ndihmon në arritjen e rezultatit të mësipërm. Megjithatë, bëhet fjalë për një arritje mbresëlënëse.

Ekzistojnë disa aplikacione të tjera të njohura të Microsoftit, të cilat së shpejti mund të arrijnë rezultat të këtillë në Android, dhe kjo e përfshin OneNote dhe PowerPoint.

© KOHA. Të gjitha të drejtat janë të rezervuara.

Komentet

Shto koment

Të ngjashme