Tech

Google do t’i shënjojë pjesët e rëndësishme të videove në rezultatet e kërkimit

Kërkimi i internetit ndihmon në gjetjen e lehtë të videoklipeve, por nuk është shumë i dobishëm nëse po e kërkoni një segment të caktuar të videos. Google tani dëshiron t’i ndihmojë përdoruesit duke i shënjuar momentet specifike në video, dhe kjo bazohet në sugjerimet (timestamp) e siguruara nga krijuesi i videos.

Fillimisht, indeksimi i videos do të jetë në dispozicion vetëm për kërkimet në gjuhën angleze, të cilat i përfshijnë videot në YouTube. Google i inkurajon përdoruesit dhe krijuesit e videove që në klipet e tyre t’i shtojnë timestampet.

Sidoqoftë, Google nuk mbështetet vetëm në timestampet në përshkrimet e videove, shkruan KOHA Ditore. Kompania po bën thirrje edhe për shtimin e të dhënave të strukturuara në video për të ndihmuar me kapërcimin e përmbajtjes, ndërsa CBS Sports dhe NDTV së shpejti do të ofrojnë kërkim të avancuar.